బిగ్ బాస్ అగ్నిపరీక్షలో హోల్డ్ లో ఉన్న కామనర్స్ కి డేర్ ఆర్ డై లెవెల్ 1 లో టాస్కులు ఇస్తోంది శ్రీముఖి. ఇప్పుడు ఊర్మిళ వెర్సెస్ శ్రీజ మధ్య ఒక టాస్క్ పెట్టింది. "బిగ్ బాస్ సీజన్ 3 లో ఒకానొక టాస్క్ లో నేను ఈ బిగ్ బాస్ టాటూ వేయించుకున్నాను..కాబట్టి మీరు నుదిటి మీద ఐ యామ్ ఏ లూజర్" అని టాటూ వేయించుకోవాలి అని చెప్పింది శ్రీముఖి. దాంతో ఊర్మిళ వెంటనే "నేను వెళ్లి కూర్చుంటున్నాను. ఎందుకంటే నేను లూజర్ ని కాదు కాబట్టి" అని చెప్పి వెళ్ళిపోయింది. ఇక శ్రీజ మాత్రం తాను వెనకడుగు వేయను అని టాటూ వేయించుకుంటాను  అని చెప్పింది. "అంటే నుదుటి మీద జీవితాంతం కనిపించేలా ఐ యాం ఏ లూజర్ అని వేయించుకుంటావా" అని శ్రీముఖి అడిగింది. హా వేయించుకుంటాను..ఎక్కడైనా పర్లేదు నాకు  అని శ్రీజ అనేసరికి ఇచ్చి పడేసింది అంటూ నవదీప్ అన్నాడు. ఇక శ్రీముఖి నీ పేరులోనే దమ్ము ఉంది అనుకున్నా కానీ నీలో కూడా చాల దమ్ముంది అంటూ  అసలు విషయం చెప్పింది.

టాటూ నుదిటి మీద కాదు లూజర్ అని కూడా కాదు. చేతి మీద వేయించుకోవాలి అని చెప్పింది. ఇక స్టేజి మీదకు టాటూ వేసేవాళ్లను కూడా శ్రీముఖి పిలిచింది. ఇక శ్రీముఖి మళ్ళీ ట్విస్ట్ పెట్టింది. 'నువ్వు ఈ టాటూ వేయించేసుకున్నాక అసలు ఈ అగ్నిపరీక్ష నుంచి నువ్వు హౌస్ లోకి వెళ్లకపోతే" అని అడిగింది. "హా పర్లేదు. ఒక మెమరీగా ఉంటుంది నాకు..బిగ్ బాస్ కోసం నేను ఇంతదూరం వచ్చాను. ఎవరికీ రాని అవకాశం నాకు వచ్చింది కదా పెర్మనెంట్ గా. హ్యాపీగా వేయించుకుంటా " అని చెప్పింది శ్రీజ. టాటూ వేయించుకున్నా శ్రీముఖి చెయ్యెత్తి ఆ టాటూ చూపించింది. దాంతో శ్రీజ నాగార్జున గారు కూడా ఇలాగే చెయ్యెత్తి ట్రోఫీ ఇస్తారా ఫైనల్ గా అని అడిగింది. దాంతో అందరూ అబ్బా అన్నారు. ఇక అభిజిత్ ఐతే శ్రీజ ఒక స్ట్రాంగ్ కంటెస్టెంట్ అవుతుంది అని ఫిజికల్ స్ట్రెంత్ చాలా ఉందంటూ చెప్పాడు. ఇక బిందు మాధవి ఐతే శ్రీజ ఆల్ ది బెస్ట్ ఎందుకంటే బిగ్ బాస్ 8 సీజన్స్ లో శ్రీముఖి, గీత మాధురికి మాత్రమే వేశారు. ఇద్దరూ ఫైనల్స్ వరకు వెళ్లారు. నీకు కూడా చాల ఫ్యూచర్ ఉంటుంది అని అనిపిస్తోందని చెప్పింది.